ഒറ്റക്ക് നീന്തുമ്പോള് എന്നില്
ആഴങ്ങളും ആകുലതകളും ആണ്
കരിം ചീന വലയായി ഇന്നലെ
കാലില് ഉടക്കി വലിക്കുന്നു
പരപ്പില് കാല് വഴുക്കുന്നു
കയത്തില് ശ്വാസം കിതയ്ക്കുന്നു
പകല് വെളുത്ത് മോന്തി വരെ
ഞാന് കൈകാലിട്ടടിക്കുന്നു
കൈ കഴുകി അന്തിയുറങ്ങുന്നു
അച്ഛനമ്മാവന്മാരുടെ നിഷ്ഠകളില്
ശരിയുടെ നിനവറിയുന്നു
മണ്ണിട്ടുമൂടിയ തറവാടും പാടവും
സ്വപ്നങ്ങളില് നിറയുന്നു
ഒറ്റയ്ക്ക് നീന്തുമ്പോള് ഞാനിന്ന്
പറിച്ചെറിഞ്ഞ കാട്ടുവള്ളികള്
തിരയുന്നു; ഒരുമിച്ചു നീന്തുവാന്
ഹൃദയം തുടിക്കുന്നു ........
No comments:
Post a Comment